Thursday, September 22, 2011

Yojna ayog ki garibi ki paribhasha PUNJIBADI NICHTA ka asali chehra

bharat ka yojna ayog ne des me garibi rekha ki aaya sima sambandhi sapath patra jo suprime court me dakhil kiya hai, oh na sirf punjibadi nichta ka asli chehra hai, balki punjibadi marg par chalnewale hamare des k kanoon k anusar bhi, ek apradhik karya hai ,Jiske anusar court ko swaim sangyan lekar sapath dayar karne wale par apradhik mukdma chalakar dandit karna chahiye, taki koi itni besharmi se court ko gumrah karne ki himmat nahi kar sake.Garibi or daridrta jo isi punjibadi vyawastha k loot or bibhedpurn batware ka parinam hai ko chhipane k liye bahut hi ghatiya dhang se garibo ka majak udaya gaya hai jiske khilaf garivo me jan ubal aana chahiye or mazak udane wale ko unki aukat bata deni chahiy.
21 sitambar ko suprim court ko diye gaye sapathpatra me yojna ayog ne apne samajik dayityon se sarrr se nikaljane k liye sharminda karnewale andaj me garibi rekha ki jo aaye sima,sahari chhetra me 32 rupaye or dehati chhetra me 25 rupaya pratidin bataya hai jisme khana,shikchha,or swastha ki jarurat puri hone ki bate hai uski sabatra ninda ho rahi hai. Yojn ayog jiske adhyakchha kathit bade arthshastri or des k P M Manmohan singh hain or Upadhyakchha unhi k pasandida montek singh ahluwalia hai ne aisa sharminda karnewala sapath patra dene ki swikriti di hai un par to kort ko gumrah karne or galat sapaath patra dayar karne ke liye I.P.C. ki dhara 195 me mukadma dayar karne ke liye andolan kiya jana chahiye,jisme 7 sal ki saza ka prawadhan hai.Parantu ise media me tatkal bahas ka mudda banakar bade bade muddo se aam janta ka dhyan hatakar un par hamla karne me madat karne ka lagta hai.Ah sahi hai ki bich -bich me media apani viswasniyata banaye rakhane ke liye or kabhi-kabhi kamptison ki mazboori me jan hit k bat kar leti hai lekin esthiti sasan vyawastha k hath se nikal nahi, jaye iske liye apane barghit ke prati zagruk bhi rahti hai. Durbhagya se sahari -gramin garibo me bhi bartman daur me kafi bharam hai ki unka asli subhchintak kaun hai.Ahi karan hai ki UPA-1 kal me bina kisi lobh lalach ya pad liye des or janhit me janata ka pahredar ki bhumika me rahkar kai muddo par sarkar ko janhit me kuchh kam karne ko majboor kiya jiska kuchh labh mila par prachar tantra ke dusprachar k karan uska bhi shreya majboori me kam karne wali kangresi sarkar ne le liya .DES hit me sarkar se samarthan wapas lenewali vampakchh ko 2009 ke chunao me janata ne bhi vikalp nahi mana or aaz left ke kamzoor hone ka fayda besharmi se uthaya ja raha hai.
Ah kahana pasangik hoga ki 1990 k bad k dasak me NEP ke sansthapak ,jisme LPG SE DES K VIKAS KO teji se aage badhane ki wakalat ki ja rahi thi, aaz ohi bharstachar ki gangotri sabit hui hai.pahle bhi ghaple ghotale hote the jisme lakh-karor ka ghapla bada ghapla mana jaa tha,parantu ab hajaro-lakho karor ke ghapale badi besarmi se ho rahe hai,jisme congress or bjp alag-alag dhang se sammilit hai or wahi noora kusti kar apane midia mitro ke sahare naya vikalp bhi dhundh rahi hai.
Bartman daur me des ki rajniti me kounsa mudda pramukhta se rashtra ke bahas ka mudda hai?Wastao me is dasak ki suruat ki pristabhumi medo tin bate mahatwapurna hai.2009 k loksabha chunao me des k kaledhan ka mudda utha ,parantu chunao ko bahut prabhawit nahi kar saka.Left party kamzor hui. Parantu swis bank me lagbhag 70 lakh crore kala dhan ki bate dhire -dhire des me bahas ka mudda bana jiske daur me hi 2G spectrum me 170 lakh crore k ghotale,CWG me hajaro krore k ghotale,k sath kai muddo par CAG ka report, aadi par sarkari udasinta ki pristbhumi me supreme court me ayar kiye gaye janhit yachika par court dwara monatring ke bad ek par ek rahasyodghatan se des me bharstachar k khilaph ek akrosh paida hua . ek taraf hajaro-lakho kror ke ghaple ghotale or dusare taraf bhukh se maut,kisano ki atamhatyayen or des me sar rahe hazaro to khaddanya ki tasbiro se ahat hokar suprim court dwara garibo ko anaj batne ki bato or khadya surakchha ka prashna utha.Kangresi sansad arjunsengupta ne apane report me kaha ki des ka lagbhag 70 kror ki aabadi ki aaye sirf 70 rupaye hai.Sachar committee report me des k musalmano ka jo chitran kiya hai oh azad bharat k liye kalank jaisa hai.Itane bhedbhaopurn samajik arthik halat ki pristbhumi me des me teji se badh raha naxalbad ka mudda bhi rajya ka chinta ka vishay raha hai.des me sar rahe anazo ko sarkar ne suprim kort k adesh k bad bhi nahi banti kyonki kise bata jaye ahi taya nahi hai. sarkar ne khadya surakchha kanoon banane ki bat bhi ki. suprim kort ne sarkar se khadya surakchha k hakdaro ke bare me puchha to sarkarv ki or se yojna ayog,jiske adhyakchha khud P.M.hain, ne ahi report bhijwa di.**Punjipatiyon k vikas purush or des k kathit arthshastri(garibo k liye anarthshastri)Bhala kaise kah sakte hai ki unki nitiyo k karan garibi badhi hai .isliye garibi ki paribhasha hi badal dene ka jisme garib dikhega hi nahi,yani garib0 ki sankhya khud hin ghat jayegi or manmohan mandali garibi hatane ka tamga lagaye duniya ko batayenge ki bharat me garibi hai hi nahi.
suprim kort ne sarkar se garibi rekha ki paribhasha nahi balki ah puchha tha ki khadya surakchha ka labh ka aadhar yani kaun uske haqdar honge. Yojna ayog ne isi prikchha ka adhar banakar garibi rekha ki paribhasha or mul adhar hi badlne ka nichtapurn karya kiya hai jiska virodh virodhi hi nahi balki kangresi bhi kar rahe hai.Wastaw me jise thori bhi sharam bachi hogi oh kah hi nahi sakta ki az k din,jab mahgai sara rikard tor raha hai or longo ka jina muskil kar diya hai,jahan kamse kam 5 RS. me chai milta ho,khud sarkari RAIL me ,(jo wastao me Ghatiya khana hai) ka 1 khana ka purana dar 35 rupya hai,jise sarkar ka hi IRCTC tay kiya hai woho sarkar 32 or 25 rupya me khana,kapra,padhai,dawaiorjine ka har kharch ki bharpai ka map kahe ushe to chullu bhar pani me dub marni chahiye.
Yojna ayog ne apane tark ka adhar Suresh Tendulkar kamiti ke report ko banaya hai jis se yojna Ayog k hi sadasya Sri Mihir Sah or Sri Abhijit Sen ne bhi iske khilaf hain or ayog k hi bhitar yudha suru hai.Sri sen or sri sah ne kaha hai ki jo sapath patra me kaha gaya hai oh adhikarik line nahi hai.Angrezi dainik Hidu k reort me kaha gaya hai ki sri sah ne saf kaha hai ki" prathamtah,abhitak sarkar ka ah faisla nahi hai ki sarkari karyakarm mekitani sankhya me logon ko labhuk banaya jana hai or uski pahchan kaise hogi."Sri sah ne ah bhi kaha k "vartman me samajik arthik janganana abhi chal raha hai jis se swatah marg prasast ho jayega ki labhuk ka faisla karne me kis pariwar ko chhatna hai(aaye kar data ya pesagat log,aadi)or kise jodna hai(jo grih ya ashiyana bihin hain aadi) Bache longo ka astar abhaw ka kashat k map se taya kiya jayega ,or bibhinna karyakarmo me kis pariwar ko samil karna hai ka aadhar or prathmikta tai kiya jayega."Unhone ah bhi kaha ki oh bayakti jo khadya surakchha ka hakdar mana jayega usko do ya tin nirdharit mapdand,banispat ki uska aaye ka banawati upari sima kya hai.
Sri sah ne kaha hai ki "jarurat hai karyakarm aadharit suchi banane ki jo srijanatmak rup se samajik arthik janganana,jo is varsh ke ant tak pura ho jayega ,ke bibhinn bhago ke ankaro jo uske dwara prapt hoga ka upyog kar labhuk suchi bananeki."Unhone saf kaha ki hame(khadya surakchha k liye)BPL suchi ki jarurat hi nahi hai.
Yojna ayog ka hi ak sadasya saf-saf kahta hai ki har karyakarm ke liye ankaro ka adhar alag hota hai,jaise ki sahri ya dehati garibo k liye awas yojna ya viklango aadi logo ka karyakarm me alag-alag hisso ka ankara aadhar hota hai.sri sah ne to saf -saf kaha ki ho rahe samajik arthik janganana se jo ankare ubhar kar aayenge uski janch gram sabha me kiya jana hai taki log jan sake ki unka vyaktigat aankra sahi hai ya galat,or tab ushe sahbhagitapurn pardarsita ke liye web site par dala jana hai.
Sapath patra ka aadhar ke sandarbh me kaha ja raha hai ki tendulkar samiti ne2004-5 k kimato k adhar par daridrta rekha ko prati mah 447 Rs (Rs 15 pratidin) ka riport kisi anya sandarbh me kiya tha.Ayog k hi sadasya sri sah k anusar "tendulkar samitika abhyas sarkar k garibi unmulan karyakarm niti ka prabhav kitne samaya sima par kaisa par rah hai uska tulnatmak prakalan(estimate)taiar karna tha.Ah kisi bhi rup me sujhao nahi hai ki prastawit khadya surakchha karyakarm me kise haqudar mana jaye.Sri sah ne to anha tak kaha hai ki kort dwara mange gaye khadya surakchha k haqdaro ke aadharo ka uttar dene me bhi phissiddy sabit hui hai." Iska karan bhi batate huey sri sah ne kaha hai ki is nakara sapathpatra taiyar karne walewaise log hain jinko rajnitik unbhigyata hai or dao lagane k liye kuchh bhi nahi hai.
Anreji dainik THE HINDU k anusar sarkari sutra bataya hai ki sapath patra taiyar karne ka kam rajya sabha k ak sadasya jo bartman me rajya mantri bhi hain par chhora gaya tha jisse lakchhanik rup se sarkar ke bhitar khadya surakchha karyakarm k sawal par gambhir matbhed ka pata chalta hai.Sarkar ka saktishali group chahta hai ki khadya surakchha k dayarey me sankhya ghatai jaye .
Prantu iske liye jis besharmipurn dhang se suprim court ko sapath patra dayar kiya gaya hai usase ek bar phir sabit ho gaya hai ki punjibadi shaktiya bhukh or abhao se marne walo par bhi taras nahi khati kyoki unka malik 'punji'ka dil nahi hota.Munafe k liye oh manwta ko raund sakta hai.
Sapath patra me sahar me 32 or dehat me 25 rupaye me 4 admi ka pariwar chal sakta hai ah azadi k 64 sal bad hamari sarkar kahti hai.Wahi Bharat sarkar jiske sachiv ka nyuntam masik wetan aaz 80,000/=rupaye asic+51% D.A.yani48,800=128800 rupaye k sath-sth+H.R.A,atayat bhatta,nagar bhatta,adi anek bhatta milta hai. Ak M.P. apane sansadiye jiwan me kitna leta hai ushe chhoriye, retirehone ke bad bhi free yatra subidha ke alawe kamse kam 25,000 rupaye pention leta hai aur garibi rekha 25 rupaye roz ki bat karta hai.
Hamare des k corporate sector kshirsh adhikariyo ka wetan to chaukanewala hai.Congress k M.p or JINDL STEEL &POWER k PRABANDH NIDESAK sri nabin jindal ka wetan 69.76 crore rupaye,SUN TV network ltd.& SPICE JET k C.M.D. KALANIDHI MARAN ka wetan 37.08 crore,THE SUN TV NETWORK Ltd. k jwaint M.D. KAWERI MARAN ka wetan 37.08 crore rupaye hai-(THE HINDU se sabhar)
Jabse sarkar k yojna ayog ne sapath patra dayar kiya hai tabhi se des k har hisse me khas kar midia ne iski gambhirta dekhte huey longo ki pratikriya or virodh dikha raha hai .parantu itani gambhir baten bhi ak do din bad charcha se hat jayegi ar phir koi naya mudda uthega . jaise ki Anna ke andolan k bad BJP sasit karnatka k purv mantri, mukhya mantri,va mantri par hajaro crore ka mamla dab gaya or adharhin modi mahima gan,2014 k chunao me P.M. ki bat,phir adwani rath yatra,.....jaise mudde ke aad me gambhir mamlo ka follow up nahi hota hai.
des me ek khatanak khel drighkalik yojna se kheli ja rahi hai jiske nisane par gariv janta or uske jantantrik adhikar hain.B J P banam Congress ka khel,sansadiya jantantra ko awamulyit karne ka khel,Bharast punjibadi netao ko alag-thalag karne k badle sabhi netao ko ek hi taraju par rakh kar rajnitik vyawastha ko dodaliye vyawastha k taraf,or sanstha k jagah vyakti ko pramukhta dekar rastrapati sasan ki or le jane ka dirghkalin bhiyan chal raha hai jisme vampanth ko hasiye par le jane ka prayas kafi khatar hai.Usi ki kari k rup me dekha jana chahiye garibo par nit naye hamle ko.jis tarah se manhgi badh rahi hai usme rahat ki bat k badle farji dhang se garibo ki sankhya ghatane ke liye garibo ka majak udaya jana gambhir bate hai.agar sarkar aise hi garibi ghatane ya garibi kam karne ka swang karegi to jantantrik vyawastha par khatra ko nahi roka ja sakta hai.
Punjibad ek waisi padhati hai jo bolti oh karti nahi aur jo karti hai oh hamesa chhadm rup me.Ah satya ko vesharmi se nakarti hai. Oh jantantra ki bat kartihai,janata se vote leti hai aur usi janata ko apane asli agenda se door rakhti hai . tabhi to ajadi k 64 sal bad jo des ki tasvir ubhari hai awamamiri aur garibi ki khai kitni chauri hui hai arjun sengupta committee ki riport iska kacha chitha hai. Sarkar dwara banai gai do kamitiyon 1-Muslim alpsankhyako ki halat janane k liye bani SACHHAR kamiti or aam longo ki halat ki janch k liye bani arjun sengupta kamiti report des me arthik asamanta ya youn kahen ki des me chalai gai arthik nitiyon ka ahi parinam hai.
21win sadi ke bharat me bhukh,abhao or garibi se maut ki khabre,karj me dube kisano ki atmahatya ki khabrey,garibi or tanhali se ubkar hathiyar uthane ki khabre,naxal andolan or bekari se tang paresan longo me ubharraha janasantos ko rokane ke liye hi sahi,MNREGA-Khadya surakchha sahit janhit ke nam par sarkari khajane se jari kalyan karyakarm bhi apratykchha rup se punjibadi mandi kam karne ke liye janata ki kraya sakti badhakar punjibad ko madat pahuchane ka tarika hai.Is kalyan karyakarm se garibi ghatati nahi balki thora rahat matr milta hai.
Dukhad bat ah hai ki sarkar k nitiyon k karan bhari sankhya me badhi garibi ko nahi swikarna ek pharev se bhara acharan hai.Agar sahar me 35 rupaye or gaon me 25 Rs jine k liye kafi hai to woise longo ke vote se M.P.banane wale ka kitna wetan hona chahiye,ya yojna ayog ,jo aisa sapath patra dayar kiya hai uske upadhyakchha sri AHLUWALIA ka bhi wetan kitna hona chahiye.
Kisi bhi sabhya samaj me jine k liye kamsekam kitni kalori ka khana milani hahiye ohi adhar banata hai nyuntam wetan taya kane me.Isliye nyuntam wetan ki aaya hi garivi rekha ka manak hona chahiye,jise nakarna ya jhuthlana ya ankaro se bharamit karna ek aparadhik karya hai.
Pure des me yojna ayog k is gande chal, jisme garivo ki sankhya kam dikhane k liye,aisa kiya gaya,ka virodh huaa.Khud sarkar or yojna ayog k bhitar bhi is kadam ki ninda suni gai jise bahut chalaki se salat lene aur mamle ko daba dene me yojna ayog ne safalta pa li. apane sapath patra ko khadya surakchha bill k prasang se alag batakar mamle ko daba diya gaya lekin sapath patra abhi bhi suprim kort me hai jo garivi ki paribhasa ka adhar hoga.
Is punjibadi sajis or shadyantra ko nakam karne k liye,or inke jhuth or pharev ko bepard karne k liye garibo ko ekjut hona hoga.Jabtak gariv mirgatrishna me bhatakte rahenge or divaswapna dekhate rahenge,punjibadi parpanch k sikar hote rahenge,jiski buniyad hi jhuth aor pharev hai.
*********Vidya Sagar Giri*******

1 comment:

  1. sir aap mera num lijiye aur aap ham se sampark kre ham milkar desh ki samsayao ka samadhan karenge,8817777385,7827108517.

    ReplyDelete